ന്യൂഡല്‍ഹി: സൈനിക ഉദ്യോഗസ്ഥനായി ആള്‍മാറാട്ടം നടത്തിയ 40കാരനെ ഡല്‍ഹി പൊലീസ് അറസ്റ്റ് ചെയ്തു. ഡല്‍ഹിയിലെ ഗ്രേറ്റര്‍ കൈലാഷ് 1ല്‍ വെള്ളിയാഴ്ചയാണ് സംഭവം. ഡല്‍ഹി സ്വദേശി ദിലീപ് കുമാറാണ് പിടിയിലായത്.
രഹസ്യവിവരത്തെ തുടര്‍ന്ന് പൊലീസ് സംഘത്തെ വിന്യസിക്കുകയും ആർമി യൂണിഫോമിലുണ്ടായിരുന്ന പ്രതിയെ പിടികൂടുകയുമായിരുന്നു. വ്യാജ ഐഡി കാര്‍ഡും ഒരു മൊബൈല്‍ ഫോണും ഇയാളില്‍ നിന്ന് കണ്ടെടുത്തിട്ടുണ്ട്.
മറ്റ് നിരവധി രാജ്യങ്ങളിൽ നിന്നുള്ള അന്താരാഷ്ട്ര വാട്ട്‌സ്ആപ്പ് നമ്പറുകളുമായി ഇയാള്‍ ബന്ധപ്പെട്ടിരുന്നതായി മൊബൈല്‍ പരിശോധിച്ചപ്പോള്‍ കണ്ടെത്തിയെന്ന് പൊലീസ് പറഞ്ഞു. ഈ നമ്പറുകളിൽ വീഡിയോ കോളുകളും നടത്തിയിട്ടുണ്ട്.