ഡൽഹിയിൽ കനത്ത മഴ; ഓറഞ്ച് അലർട്ട് പ്രഖ്യാപിച്ചു

ഇടിയോട് കൂടിയ മഴയെ തുടർന്ന് നഗരത്തിൽ പല പ്രദേശങ്ങളിലും വെള്ളക്കെട്ട് രൂപപ്പെട്ടു. ഇതുമൂലം പലയിടങ്ങളിലും ഗതാഗത തടസവും നേരിട്ടു.

ന്യൂഡൽഹി: ഡൽഹിയിൽ ശക്തമായ മഴ തുടരുന്നതിനാൽ കാലാവസ്ഥ നിരീക്ഷണകേന്ദ്രം ഓറഞ്ച് അലർട്ട് പ്രഖ്യാപിച്ചു. ഇടിയോട് കൂടിയ മഴയെ തുടർന്ന് നഗരത്തിൽ പല പ്രദേശങ്ങളിലും വെള്ളക്കെട്ട് രൂപപ്പെട്ടു. ഇതുമൂലം പലയിടങ്ങളിലും ഗതാഗത തടസവും നേരിട്ടു.

കഴിഞ്ഞ 24 മണിക്കൂറിനിടെ ഡൽഹി സഫ്‌ദർജങ് വിമാനത്താവളത്തിൽ 138.8 മില്ലീമീറ്റർ മഴ രേഖപ്പെടുത്തി. ഈ സീസണിൽ ലഭിക്കുന്ന ഏറ്റവും ഉയർന്ന പ്രതിദിന അളവാണിത്. അതേസമയം ഉത്തർപ്രദേശിലും രാജസ്ഥാനിലും വിവിധയിടങ്ങളിൽ ഇടിമിന്നലോടുകൂടിയ ശക്തമായ മഴയുണ്ടാകുമെന്ന് കാലാവസ്ഥ വകുപ്പ് അറിയിച്ചു.