ന്യൂഡൽഹി : കൊവിഡ് പ്രതിരോധ രംഗത്ത് സജീവമായ ഡോക്ടര്‍മാരുടെ സേവനത്തെ പ്രശംസിച്ച പ്രധാനമന്ത്രി നരേന്ദ്ര മോദിയ്ക്ക് നന്ദിയറിയിച്ച് ഐ.എം.എ ദേശീയ അധ്യക്ഷന്‍ ഡോ. ജെ.എ ജയലാൽ. മഹാമാരിയുടെ പശ്ചാത്തലത്തില്‍, ജൂലൈ ഒന്നിന് ഡോക്‌ടര്‍ ദിനം വരാനിരിക്കെയാണ് മോദിയുടെ പ്രശംസ.
ഡോക്ടർമാരെ ബഹുമാനിക്കുകയും സംരക്ഷിക്കുകയും ചെയ്യണമെന്ന് പ്രധാനമന്ത്രി ഞായറാഴ്ചത്തെ മന്‍ കി ബാത്തില്‍ രാജ്യത്തോട് ആഹ്വാനം ചെയ്തിരുന്നു. ഇതുസംബന്ധിച്ചുള്ള സന്തോഷം മാധ്യമങ്ങളോട് പങ്കുവയ്ക്കവെയാണ് ഐ.എം.എ അധ്യക്ഷന്‍ ഇക്കാര്യം പറഞ്ഞത്.