ഹൈദരാബാദ്‌: ക്ഷണക്കത്തും സേവ്‌ ദ്‌ ഡേറ്റും പ്രീ വെഡ്ഡിങ്‌ ഷൂട്ടും വെഡ്ഡിങ്‌ ഷൂട്ടുമൊക്കെയാണ് കല്യാണ മേളം കൊഴുപ്പിക്കുന്നത്‌. അതില്‍ പലതും സമൂഹമാധ്യമങ്ങളില്‍ വൈറലാകാറുമുണ്ട്. എന്നാല്‍ ഇതില്‍ നിന്നും വ്യത്യസ്‌തമായി കല്യാണം ക്ഷണിച്ചുകൊണ്ട് ചെയ്‌ത ഒരു അനിമേഷന്‍ വീഡിയോയാണ് സമൂഹമാധ്യമങ്ങളില്‍ ഇപ്പോള്‍ തംരഗമാകുന്നത്.
കണ്ടുമുട്ടിയത്‌ മുതല്‍ വിവാഹം വരെ ; വൈറലായി കലക്‌ടറുടെ വിവാഹ ക്ഷണ വീഡിയോ
തെലങ്കാനയിലെ ഖമ്മം സബ്‌ കലക്‌ടര്‍ രാഹുലാണ് വരന്‍. വധു മെഹബൂബ്‌നഗര്‍ സ്വദേശിനിയായ മനീഷ. ഇരുവരുടെയും പ്രണയമാണ് വീഡിയോയില്‍ കഥയുടെ രൂപത്തില്‍ പറഞ്ഞു പോകുന്നത്. ഒരു ബസില്‍ നിന്നും തുടങ്ങിയ പ്രണയ യാത്ര പിന്നീട്‌ വിവാഹം വരെ എത്തിയ കഥ വീഡിയോയില്‍ വിശദീകരിക്കുന്നുണ്ട്.