ഹൈദരാബാദ് വീണ്ടും ലോക വൃക്ഷ നഗരങ്ങളുടെ പട്ടികയില്‍

അർബർ ഡേ ഫൗണ്ടേഷനും ഫുഡ് ആൻഡ് അഗ്രികൾച്ചർ ഓർഗനൈസേഷനും ചേർന്ന് 'ലോകത്തിലെ വൃക്ഷ നഗരങ്ങളിൽ' ഒന്നായി ഹൈദരാബാദിനെ അംഗീകരിച്ചു

ഹൈദരാബാദ്:ലോക വൃക്ഷ നഗരങ്ങളുടെ പട്ടികയിലിടം പിടിച്ച് ഹൈദരാബാദ് വീണ്ടും. അർബർ ഡേ ഫൗണ്ടേഷനും ഫുഡ് ആൻഡ് അഗ്രികൾച്ചർ ഓർഗനൈസേഷനുമാണ് അംഗീകാരം നല്‍കുന്നത്. തുടർച്ചയായ രണ്ടാം വർഷമാണ് ഹൈദരാബാദിന് ഈ അംഗീകാരം ലഭിക്കുന്നത്.

നഗരവികസന സ്‌പെഷ്യൽ ചീഫ് സെക്രട്ടറി അരവിന്ദ് കുമാർ ട്വീറ്റ് ചെയ്‌താണ് ഈ കാര്യം അറിയിച്ചത്. കഴിഞ്ഞ രണ്ട് വർഷത്തിനിടെ 3,50,56,635 മരങ്ങളാണ് ഹൈദരാബാദിൽ നട്ടുപിടിപ്പിച്ചത്.