ഹൈദരാബാദ്:കൗമാരക്കാരിയെ ആഡംബര കാറില്‍ കൂട്ടബലാത്സംഗം ചെയ്‌ത കേസില്‍ ഇരയായ പെണ്‍കുട്ടിയുടെ മൊഴി വീണ്ടും പൊലീസ് രേഖപ്പെടുത്തി. അക്രമത്തിനിരയായ വാഹനത്തില്‍ നിന്നും പെണ്‍കുട്ടിയുടെ ചെരുപ്പ്, കമ്മല്‍, മുടി തുടങ്ങിയ തെളിവുകള്‍ നേരത്തെ തന്നെ അന്വേഷണസംഘത്തിന് ലഭിച്ചിരുന്നു. കൂടാതെ കാറില്‍ നിന്ന് പിടിച്ചെടുത്ത ടിഷ്യൂപേപ്പറുകള്‍ കൂടുതല്‍ പരിശോധനയ്‌ക്കായി ഫോറന്‍സിക് ലാബിലേക്ക് അയച്ചതായും പൊലീസ് വ്യക്തമാക്കി.
അതേ സമയം, സംസ്ഥാന വനിത കമ്മിഷനും കേസില്‍ സ്വമേധയ ഇടപെടല്‍ നടത്തി. സംസ്ഥാന വനിത കമ്മിഷന്‍ ചെയര്‍പേര്‍സണ്‍ ലക്ഷമറെഡി സംഭവത്തില്‍ ഡിജിപിയോട് വിശദീകരണം തേടിയിട്ടുണ്ട്. കേസുമായി ബന്ധപ്പെട്ട് നാല് പേരെയാണ് പൊലീസ് ഇതുവരെ അറസ്‌റ്റ് ചെയ്‌തത്.