ലക്‌സര്‍ (ഉത്തരാഖണ്ഡ്) : ഉത്തരാഖണ്ഡിലെ ഹരിദ്വാറില്‍ പാടശേഖരത്തുനിന്ന് കൂറ്റന്‍ പെരുമ്പാമ്പിനെ പിടികൂടി. ലക്‌സര്‍ വനമേഖലയോട് ചേര്‍ന്നുള്ള ലാല്‍പൂര്‍ ഗ്രാമത്തിലാണ് സംഭവം. കുഴല്‍ക്കിണറില്‍ നിന്ന് പാടത്ത് വെള്ളമെത്തിക്കാനായി സ്ഥാപിച്ച പൈപ്പിലാണ് 18 അടി നീളമുള്ള പെരുമ്പാമ്പിനെ കണ്ടത്.
Video | പൈപ്പില്‍ പതുങ്ങിയിരുന്ന് കൂറ്റന്‍ പെരുമ്പാമ്പ്, 18 അടി നീളവും, 60 കിലോയും ; പിടികൂടിയത് പണിപ്പെട്ട്
ലാല്‍പൂർ സ്വദേശി ഉദയ്‌ സിങ് എന്ന കര്‍ഷകന്‍റെ പാടശേഖരത്തിലാണ് പാമ്പിനെ കണ്ടെത്തിയത്. ഇതിനെ കണ്ടതോടെ നാട്ടുകാര്‍ പരിഭ്രാന്തരായി. വനംവകുപ്പിനെ വിവരമറിയിച്ചതിനെ തുടര്‍ന്ന് ഉദ്യോഗസ്ഥരെത്തി ഏറെ നേരത്തെ പരിശ്രമത്തിനൊടുവില്‍ പാമ്പിനെ പിടികൂടി.