ഷിംല: ഹിമാചല്‍ പ്രദേശില്‍ മേഘ വിസ്ഫോടനത്തെ തുടര്‍ന്നുണ്ടായ വെള്ളപ്പൊക്കത്തില്‍ കാണാതായ 7 പേരുടെ മൃതദേഹം കണ്ടെത്തി. രക്ഷാപ്രവര്‍ത്തനത്തിനിടെയാണ് മൃതദേഹങ്ങള്‍ കണ്ടെത്തിയത്. കനത്ത മഴയെ തുടര്‍ന്നാണ് പ്രദേശത്ത് വെള്ളപ്പൊക്കം രൂക്ഷമായത്. എൻഡിആര്‍എഫ് സംഘം തെരച്ചില്‍ തുടരുകയാണ്.
ടോൺസിംഗ് നെല്ലയിലുണ്ടായ വെള്ളപ്പൊക്കത്തിൽ 10 പേരെയാണ് കാണാതായത്. ബുധനാഴ്ച രാവിലെ മുതൽ തെരച്ചില്‍ തുടങ്ങിയെങ്കിലും വൈകുന്നേരത്തോടെയാണ് മൃതദേഹങ്ങള്‍ കണ്ടെത്തുന്നത്. തുടർച്ചയായ മഴ സംസ്ഥാനത്തിന്‍റെ പല ഭാഗങ്ങളിലും മണ്ണിടിച്ചിലിന് കാരണമായി. ഇനി മൂന്ന് പേരെ കൂടി കണ്ടെത്താനുണ്ട്.