മുംബൈ:എഴുത്തുകാരി തസ്ലീമ നസ്രീന് മറുപടി നല്‍കി ബോളിവുഡ് താരം അഭിഷേക് ബച്ചന്. ബോളിവുഡ് ബിഗ്‌ ബി അമിതാഭ്‌ ബച്ചന് തന്‍റെ മകനെ വളരെയധികം സ്‌നേഹിക്കുന്നു എന്ന ബംഗ്ലാദേശ്-സ്വീഡിഷ് എഴുത്തുകാരി തസ്ലീമ നസ്രീന്‍റെ കമന്‍റിനാണ് അഭിഷേക് ബച്ചന് മറുപടി നല്‍കിയിരിക്കുന്നത്.
Abhishek Bachchan reply to Taslima Nasreen:'തീർച്ചയായും ശരിയാണ്. മാഡം. കഴിവിന്‍റെ കാര്യത്തിലായാലും മറ്റെന്തിന്‍റെ പേരിലായാലും ആരും തന്നെ അച്ഛന്‍റെ കഴിവിനൊപ്പം എത്തില്ല. അദ്ദേഹം എന്നും ബെസ്റ്റ് ആണ്. മകന്‍ എന്ന രീതിയില്‍ താന്‍ ഏറെ അഭിമാനിക്കുന്നു.' -ഇപ്രകാരമായിരുന്നു അഭിഷേകിന്‍റെ ട്വീറ്റ്. ട്വിറ്ററില്‍ കമന്‍റ് സെക്ഷനിലൂടെയായിരുന്നു അഭിഷേകിന്‍റെ മറുപടി.
Taslima Nasreen on Abhishek Bachchan Dasvi Award: 'ബച്ചന്‍ജിക്ക് മകന്‍ അഭിഷേകിനെ ഏറെ ഇഷ്‌ടമാണ്‌. അദ്ദേഹത്തിന്‍റെ എല്ലാ ഗുണങ്ങളും മകനും ഉണ്ടെന്നാണ് അദ്ദേഹം ചിന്തിക്കുന്നത്. എന്നാല്‍ അഭിഷേക് അമിതാഭിനൊപ്പം വരില്ല.' -ഇപ്രകാരമായിരുന്നു തസ്ലീമയുടെ ട്വീറ്റ്. എന്നാല്‍ തസ്ലീമ പിന്നീട് ട്വീറ്റ് പിന്‍വലിച്ചിരുന്നു. ഇതിന് പിന്നാലെയാണ് അഭിഷേക് ബച്ചന് തസ്ലീമയ്‌ക്ക് മറുപടി നല്‍കി രംഗത്തെത്തിയത്.