മഹാരാഷ്ട്ര/ഉത്തര്‍പ്രദേശ്:ഉത്തേരന്ത്യന്‍ സംസ്ഥാനങ്ങളില്‍ കനത്ത മഴ തുടരുന്നു. സംസ്ഥാനങ്ങളിലെ താഴ്ന്ന പ്രദേശങ്ങള്‍ ഏറെയും വെള്ളത്തിടിയിലായി. ട്രെയിന്‍, റോഡ് ഗതാഗതത്തേയും മഴ ബാധിക്കുന്നുണ്ട്. മഹാരാഷ്ട്രയിലെ പല്‍ഗര്‍, താനെ, റയേഗഡ് ജില്ലകളില്‍ കനത്ത മഴ തുടരുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.
നവി മുംബൈയില്‍ ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്. മുംബൈയില്‍ യെല്ലോ അലര്‍ട്ടും പ്രഖ്യാപിച്ചു. ഈ വര്‍ഷകാലത്ത് വലിയ രീതിയിലുള്ള മഴയാണ് ഡല്‍ഹിയില്‍ ലഭിച്ചത്. പ്രധാന നഗരങ്ങള്‍ എല്ലാം വെള്ളത്തിനടിയിലാണ്. മുംബൈ തീരത്ത് നിന്നും മത്സ്യ തൊഴിലാളികള്‍ കടലില്‍ പോകരുതെന്നും അറബി കടലില്‍ കനത്ത കാറ്റിന് സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്‍കി.