ഗാന്ധിനഗർ:ഗുജറാത്തിൽ 405 പേർക്ക് കൂടി കൊവിഡ് സ്ഥിരീകരിച്ചു. ഇതോടെ സംസ്ഥാനത്ത് ഇതുവരെ കൊവിഡ് സ്ഥിരീകരിച്ചവരുടെ എണ്ണം 8,20,726 ആയി ഉയർന്നു. ആറ് പേർ കൂടി കൊവിഡ് ബാധിച്ച് മരിച്ചതോടെ ആകെ മരണസംഖ്യ 10,000 കടന്നു. 1,106 പേരാണ് ഇന്ന് സംസ്ഥാനത്ത് രോഗമുക്തരായത്.
നിലവിൽ ഗുജറാത്തിൽ 9,542 പേരാണ് ചികിത്സയിൽ തുടരുന്നത്. ഇതിൽ 223 പേർ ഗുരുതരാവസ്ഥയിലാണെന്ന് ആരോഗ്യവകുപ്പ് അധികൃതർ അറിയിച്ചു. സൂറത്തിലാണ് ഏറ്റവും കൂടുതൽ പുതിയ കേസുകൾ ജൂൺ 14ന് റിപ്പോർട്ട് ചെയ്‌തത്. 78 പേർക്കാണ് ഇവിടെ കൊവിഡ് സ്ഥിരീകരിച്ചത്.