ഗുജറാത്ത്: കൊവിഡിന്‍റെ പുതിയ വകഭേദമായ ഒമിക്രണ്‍ സംസ്ഥാനത്ത് സ്ഥിരീകരിക്കുന്നവരുടെ എണ്ണം ഉയരുന്ന സാഹചര്യത്തില്‍ എട്ട് പ്രധാന നഗരങ്ങളില്‍ ഡിസംബര്‍ 31 വരെ രാത്രികാല നിയന്ത്രണം പ്രഖ്യാപിച്ചു. രാത്രി ഒരു മണി മുതല്‍ പുലര്‍ച്ചെ അഞ്ച് മണി വരെയാണ് കര്‍ഫ്യൂ. അഹമ്മദാബാദ്‌, ഗാന്ധിനഗര്‍, സൂറത്ത്, രാജ്‌കോട്ട്, വഡോദര, ഭാവ്‌നഗര്‍, ജംനഗര്‍, ജുനാഗര്‍ഹ്‌ എന്നിവിടങ്ങളിലാണ് രാത്രികാല നിയന്ത്രണം ഏര്‍പ്പെടുത്തിയത്.
വ്യാപാര കേന്ദ്രങ്ങള്‍ക്ക് രാത്രി 12 മണി വരെ പ്രവര്‍ത്തിക്കാം. ഭക്ഷണശാലകളില്‍ 75 ശതമാനമായി സിറ്റിങ്‌ കപ്പാസിറ്റി കുറച്ചു. അതേസമയം വിവാഹ ചടങ്ങില്‍ 400 പേര്‍ പങ്കെടുക്കാമെന്ന കാര്യത്തില്‍ നിയന്ത്രണം വരുത്തിയിട്ടില്ല.