വഡ്‌ഗാം: ഗുജറാത്ത് നിയമസഭ തെരഞ്ഞെടുപ്പില്‍ വഡ്‌ഗാം സീറ്റ് നിലനിർത്തി ദലിത് നേതാവും കോണ്‍ഗ്രസ് സ്ഥാനാര്‍ഥിയുമായ ജിഗ്നേഷ് മേവാനി. 93,848 വോട്ടുകളാണ് മേവാനി നേടിയത്. ബിജെപിയുടെ മണിഭായ് ജേതാഭായ് വഗേലയെ 4,796 വോട്ടുകൾക്കാണ് അദ്ദേഹം പരാജയപ്പെടുത്തിയത്.
2017ൽ ടിക്കറ്റ് നിഷേധിക്കപ്പെട്ടതോടെയാണ് കോൺഗ്രസ് വിട്ട് മണിഭായ് ബിജെപിയിലേക്ക് ചേക്കേറിയത്. 2012 മുതൽ 2017 വരെ വഡ്‌ഗാം സീറ്റില്‍ ഇദ്ദേഹമായിരുന്നു എംഎല്‍എ. മുസ്‌ലിം വോട്ടർമാർ നിർണായക പങ്കുവഹിക്കുന്നതും എന്നാല്‍ പട്ടികജാതി വിഭാഗങ്ങൾക്ക് (എസ്‌സി) സംവരണം ചെയ്‌തതുമായ സീറ്റുകൂടിയാണ് വഡ്‌ഗാം.