ഗോധ്ര :ഗുജറാത്തില്‍ പാലം തകര്‍ന്ന് ദുരന്തമുണ്ടായ മോർബി ജില്ലയിലെ നിയമസഭ മണ്ഡലമായ ഗോധ്രയില്‍ ബിജെപി സ്ഥാനാർഥിയ്‌ക്ക് വ്യക്തമായ മുന്നേറ്റം. നിലവില്‍ ഈ സീറ്റില്‍ എട്ട് റൗണ്ട് വോട്ടെണ്ണൽ കഴിഞ്ഞപ്പോൾ ബിജെപിയുടെ സികെ റൗൾജി, കോൺഗ്രസിന്‍റെ രശ്‌മിതാബെൻ ചൗഹാനേക്കാൾ മുന്നിലാണ്. 20 വർഷം മുന്‍പ് ഗുജറാത്ത് കലാപത്തില്‍ ട്രെയിൻ കത്തിക്കല്‍ സംഭവം നടന്ന മണ്ഡലം കൂടിയാണ് ഗോധ്ര.
2007 മുതൽ 2016 വരെ കോൺഗ്രസ് എംഎൽഎയായിരുന്ന റൗൾജി, 2017ല്‍ ബിജെപിയിലേക്ക് ചേക്കേറി മത്സരിച്ചു. തുടര്‍ന്ന്, ആ വര്‍ഷം മുതല്‍ ഗോധ്ര മണ്ഡലത്തിലെ ബിജെപി നിയമസഭാംഗമായിരുന്നു. 2,79,000 വോട്ടർമാരാണ് ഗോധ്രയിലുള്ളത്. അതില്‍, 72,000 വോട്ടുകളും മുസ്‌ലിം ഭൂരിപക്ഷ പ്രദേശത്തുനിന്നാണ്.