ഗാന്ധിനഗർ: ഗുജറാത്തിലെ കച്ച് ജില്ലയിലെ ധോർഡോ നഗരത്തിന് സമീപം കച്ച്, ബനസ്‌കന്ത, പാടൻ എന്നീ മൂന്ന് അതിർത്തി ജില്ലകളിലെ ഗ്രാമത്തലവന്മാരുടെ സമ്മേളനത്തിൽ കേന്ദ്ര ആഭ്യന്തരമന്ത്രി അമിത് ഷാ പങ്കെടുക്കും. ഗ്രാമത്തലവന്മാർക്ക് പുറമെ മൂന്ന് ജില്ലകളിലെയും ജില്ലാ അംഗങ്ങളെയും സമ്മേളനത്തിന് ക്ഷണിച്ചിട്ടുണ്ടെന്ന് കച്ച് ജില്ലാ കലക്ടർ പ്രവീന ഡി കെ പറഞ്ഞു.
ഗുജറാത്തിലെ കച്ച്, ബനസ്‌കന്ത, പാടൻ ജില്ലകൾ പാകിസ്ഥാനുമായി അതിർത്തി പങ്കിടുന്നു. സർക്കാർ പദ്ധതികളുടെയും സ്ഥാപനങ്ങളുടെയും സ്റ്റാളുകൾ അടങ്ങിയ എക്സിബിഷനും അദ്ദേഹം ഉദ്ഘാടനം ചെയ്യും.