തിരുപ്പതി: സര്‍ക്കാര്‍ നടത്തുന്ന റൂയി ആശുപത്രിയില്‍ ഐസിയുവിലുണ്ടായ ഓക്സിജൻ വിതരണത്തിലെ പ്രശ്‌നത്തെ തുടർന്ന് 11 കൊവിഡ് രോഗികൾ മരിച്ചതായി ചിറ്റൂർ ജില്ലാ കളക്ടർ എം. ഹരി നാരായണൻ അറിയിച്ചു. തിങ്കളാഴ്ച രാത്രിയോടെയാണ് അപകടം നടന്നത്. ഓക്സിജൻ സിലിണ്ടർ വീണ്ടും ലോഡുചെയ്യുന്നതിൽ അഞ്ച് മിനിറ്റ് കാലതാമസം നേരിട്ടതോടെ മര്‍ദ്ദം കുറഞ്ഞതാണ് മരണങ്ങള്‍ക്ക് കാരണമായതെന്നും കളക്ടര്‍ പറഞ്ഞു.
ഓക്സിജൻ വിതരണത്തില്‍ പ്രശ്‌നം; ആന്ധ്രയില്‍ 11 കൊവിഡ് രോഗികള്‍ മരിച്ചു
'അഞ്ച് മിനിറ്റിനുള്ളിൽ ഓക്സിജൻ വിതരണം പുനഃസ്ഥാപിച്ചിട്ടുണ്ട്, ഇപ്പോൾ എല്ലാം സാധാരണമാണ്. ഇക്കാരണത്താൽ കൂടുതൽ അപകടങ്ങൾ തടയാൻ ഞങ്ങൾക്ക് കഴിഞ്ഞു' ഹരി നാരായണൻ കൂട്ടിച്ചേർത്തു. രോഗികളെ പരിശോധിക്കുന്നതിനായി 30 ഓളം ഡോക്ടർമാര്‍ ഉടൻ തന്നെ ഐസിയുവിൽ എത്തിയിരുന്നു.