വീടിന് തീപിടിച്ചു : 5 കുട്ടികള്‍ക്ക് ദാരുണാന്ത്യം

വീട് പൂർണമായും കത്തിനശിച്ചു. സംഭവ കാരണം വ്യക്തമല്ല

പട്‌ന : വീടിന് തീപിടിച്ച് ഒരു കുടുംബത്തിലെ അഞ്ച് കുട്ടികൾക്ക് ദാരുണാന്ത്യം. ബിഹാറിലെ ബങ്ക ജില്ലയിലാണ് സംഭവം. സംഭവസമയം കുട്ടികള്‍ വീടിനുള്ളിൽ കളിക്കുകയായിരുന്നു. തീ പടർന്നപ്പോള്‍ ബന്ധുക്കളും, നാട്ടുകാരും ഓടിയെത്തിയെങ്കിലും കുട്ടികളെ രക്ഷിക്കാനായില്ല. വീട് പൂർണമായും കത്തി നശിച്ചു.

തീപിടിത്തത്തിന്‍റെ കാരണം വ്യക്തമല്ലെന്ന് എസ്‌പി രവിന്ദ് കുമാർ ഗുപ്ത അറിയിച്ചു. കുടുംബാംഗങ്ങളുടെയും മറ്റും മൊഴി രേഖപ്പെടുത്തിവരികയാണ്. ഫോറൻസിക് വിദഗ്‌ധരുടെ സഹായം തേടിയതായും എസ്‌പി അറിയിച്ചു.

മൃതദേഹങ്ങൾ പോസ്റ്റ്‌മോർട്ടത്തിന് ശേഷം വീട്ടുകാർക്ക് വിട്ടുനൽകും.