ന്യൂഡൽഹി: റിപ്പബ്ലിക് ദിന പരേഡിൽ ഇന്ത്യൻ വ്യോമസേനയുടെ ടാബ്ലോയുടെ ഭാഗമായി രാജ്യത്തെ ആദ്യ വനിത റഫാല്‍ യുദ്ധവിമാന പൈലറ്റ് ശിവാംഗി സിങ്. വ്യോമസേന ടാബ്ലോയുടെ ഭാഗമാകുന്ന രണ്ടാമത്തെ വനിത യുദ്ധവിമാന പൈലറ്റ് എന്ന ബഹുമതിയും ശിവാംഗിക്കു സ്വന്തമായി.
2017ലാണ് ശിവാംഗി സിങ് വ്യോമസേനയുടെ ഭാഗമായത്. വ്യോമസേനയുടെ രണ്ടാം ബാച്ച് വനിത ഫൈറ്റര്‍ പൈലറ്റുമാരിലൊരാളായ ശിവാംഗി ഇന്ത്യന്‍ എയര്‍ഫോഴ്‌സിന്‍റെ ഏറ്റവും പഴയ വിമാനമായ മിഗ് 21 ആണ് റഫാലിന് മുൻപ് പറത്തിയിരുന്നത്.