ബെംഗളൂരു : പണി പൂര്‍ത്തിയായ ബസുകളുമായി ബെംഗളൂരുവില്‍ നിന്ന് ചണ്ഡിഗഡിലേക്ക് ചരക്ക് തീവണ്ടി യാത്ര ആരംഭിച്ചു. ബെംഗളൂരു റൂറലിലെ ദൊഡ്ഡബല്ലാപുരയിൽ നിന്നാണ് ഹിമാചല്‍ റോഡ് ട്രാന്‍സ്‌പോര്‍ട്ട് കോര്പറേഷന് ഉപയോഗിക്കാന്‍ ആവശ്യമായ ബസുകളുമായി ട്രെയിന്‍ പുറപ്പെട്ടത്. ഇതാദ്യമായാണ് ഇന്ത്യന്‍ റെയില്‍വേ വഴി ബസുകള്‍ എത്തിക്കാനുള്ള ശ്രമം നടത്തുന്നത്.
32 ബസ് വീതമുള്ള രണ്ട് ട്രെയിനുകള്‍ മെയ്‌ 15, 20 തീയതികളിലാണ് പുറപ്പെട്ടത്. ഗുഡ്സ് ട്രെയിനുകൾ ദൊഡ്ഡബല്ലാപുര, യെലഹങ്ക, വിജയവാഡ, ഭൂപാൽ വഴിയാണ് ചണ്ഡിഗഡിലേക്ക് എത്തുക. തമിഴ്‌നാട്ടിലെ ഹൊസൂരിലും, ബെംഗളൂരു റൂറലിലുമാണ് ബസിന്‍റെ നിര്‍മാണപ്രവര്‍ത്തികള്‍ പൂര്‍ത്തീകരിച്ചത്.
ഹിമാചല്‍ റോഡ് ട്രാന്‍സ്‌പോര്‍ട്ട് കോര്പറേഷന് വേണ്ടി അശോക് ലെയ്‌ലാന്‍ഡാണ് ബസുകള്‍ നിര്‍മിച്ചത്