മഹാരാഷ്‌ട്രയിൽ കെമിക്കൽ ഫാക്‌ടറിയിൽ തീപിടിത്തം; ആളപായമില്ല

ഫാക്‌ടറിയിലെ മെഷീനുകൾക്കും ഉപകരണങ്ങൾക്കും വലിയ രീതിയിൽ കേടുപാടുകൾ സംഭവിച്ചിട്ടുണ്ട്

മുംബൈ: മഹാരാഷ്‌ട്രയിലെ അമരാവതിയിൽ കെമിക്കൽ ഫാക്‌ടറിയിൽ തീപിടിത്തം. അപകടത്തിൽ ആളപായം റിപ്പോർട്ട് ചെയ്‌തിട്ടില്ല. ഫാക്‌ടറിയിലെ മെഷീനുകൾക്കും ഉപകരണങ്ങൾക്കും കേടുപാടുകൾ സംഭവിച്ചിട്ടുണ്ട്.

എംഐഡിസി പ്രദേശത്തെ ബാദ്മേര മിനി ബൈപാസ് റോഡിന് സമീപത്തെ കീടനാശിനികൾ നിർമിക്കുന്ന കെമിക്കൽ ഫാക്‌ടറിയിലാണ് തീപിടിത്തമുണ്ടായത്. അഗ്നിശമന സേന പ്രവർത്തകർ സ്ഥലത്തെത്തി സ്ഥിതി നിയന്ത്രണവിധേയമാക്കി. ജില്ല കലക്‌ടർ ഉൾപ്പടെയുള്ളവർ സ്ഥലത്തെത്തി സ്ഥിതിഗതികൾ വിലയിരുത്തി.