ഡൽഹിയിലെ ഗോകുൽപുരിയിൽ വൻ തീപിടിത്തം: ഏഴ്‌ മരണം

ഇന്നലെ രാത്രിയാണ് ഗോകുൽപുരിയിലെ കുടിലുകളിൽ തീ പടർന്നുപിടിച്ചത്.

ന്യൂഡൽഹി: ഡൽഹിയിൽ ഇന്നലെ രാത്രിയുണ്ടായ വൻ തീപിടിത്തത്തിൽ ഏഴ്‌ മരണം. ഗോകുൽപുരി പ്രദേശത്ത് ജനങ്ങൾ തിങ്ങിപ്പാർത്തിരുന്ന കുടിലുകളിലാണ് തീപിടിത്തം ഉണ്ടായത്. കത്തിക്കരിഞ്ഞ നിലയിലാണ് മൃതദേഹങ്ങൾ കണ്ടെടുത്തത്.

പ്രദേശത്തെ അറുപതോളം കുടിലുകളിൽ തീ പടർന്നുപിടിച്ചതായാണ് വിവരം. 13 ഫയർ ഫോഴ്‌സ് വാഹനങ്ങൾ സ്ഥലത്തെത്തി പുലർച്ചെ നാല് മണിയോടെയാണ് തീ നിയന്ത്രണ വിധേയമാക്കിയത്.