മീററ്റ് (യുപി):ഉത്തര്‍ പ്രദേശില്‍ സ്ത്രീധനമായി ബുള്ളറ്റ് നല്‍കാത്തതിന് യുവതിയുടെ തല മുണ്ഡനം ചെയ്‌ത് മുത്തലാഖ് ചൊല്ലിയെന്ന പരാതിയില്‍ കേസെടുത്ത് പൊലീസ്. അഫ്‌സല്‍ പൗട്ടി സ്വദേശി അഹമ്മദ് അലിക്കെതിരെയാണ് പൊലീസ് എഫ്‌ഐആർ ചുമത്തിയത്. സ്‌ത്രീധനം നല്‍കാത്തതിന്‍റെ പേരില്‍ യുവതിയുടെ തല മുണ്ഡനം ചെയ്‌ത ശേഷം മുത്തലാഖ് ചൊല്ലിയെന്നാണ് പരാതിയിലുള്ളത്.
രണ്ട് വര്‍ഷം മുന്‍പാണ് യുവതിയും അഹമ്മദ് അലിയും വിവാഹിതരായത്. വിവാഹത്തിന് ശേഷം സ്ത്രീധനമായി ബുള്ളറ്റ് വേണമെന്ന് ഇയാള്‍ യുവതിയോട് നിരന്തരം ആവശ്യപ്പെടാറുണ്ടായിരുന്നു. ജൂണ്‍ 7ന് പൊതുമധ്യത്തില്‍ വച്ച് യുവതിയുടെ തല ഇയാള്‍ മുണ്ഡനം ചെയ്‌തു. തുടര്‍ന്ന് യുവതി മാതാപിതാക്കളുടെ അടുത്തേക്ക് പോയി.