പൂനെ (മഹാരാഷ്ട്ര):നാല് വനിത ബിജെപി എംഎല്‍എമാരില്‍ നിന്നും പണം തട്ടി യുവാവ്. എംഎല്‍എമാരായ മധുരി മിസാല്‍, ശ്വേത മഹല്‍, മേഘ്ന ബൊര്‍ദീക്കര്‍, ദേവയാനി ഫര്‍ണാണ്ടെ എന്നിവരാണ് കബളിപ്പിക്കപ്പെട്ടത്. മുകേഷ് റാത്തോഡ് എന്ന് പേരിലുള്ള ഒരാളാണ് തങ്ങളെ കബളിപ്പിച്ചതെന്ന് കാണിച്ച് എംഎല്‍എമാര്‍ പൊലീസില്‍ പരാതി നല്‍കി.
കേസില്‍ പ്രതിക്കായി പൊലീസ് തെരച്ചില്‍ ആരംഭിച്ചിട്ടുണ്ട്. അമ്മക്ക് സുഖമില്ലെന്ന് പറഞ്ഞ് ഗൂഗിള്‍ പേ വഴി പണം വാങ്ങുകയായിരുന്നു. പിന്നീട് എംഎല്‍എമാര്‍ക്ക് ഇത് കളവാണെന്ന് മനസിലാകുകയും ഇവര്‍ പൊലീസില്‍ പരാതിപ്പെടുകയുമായിരുന്നു. ബിബ്‌വേവാദി പൊലീസാണ് കേസ് രജിസ്റ്റര്‍ ചെയ്തത്.