ന്യൂഡൽഹി:പൊതുമേഖല, സ്വകാര്യ-സഹകരണ മേഖലകളിലെ രാസകമ്പനികളുമായി ചേർന്ന് ഓക്സിജന്‍ ഉത്പാദനം വർധിപ്പിക്കാന്‍ കേന്ദ്ര മന്ത്രി മന്‍സുഖ് മാണ്ഡവിയ അധ്യക്ഷനായ യോഗത്തിൽ തീരുമാനം.
ഈ മഹാമാരിയിൽ ജനങ്ങളെ സഹായിക്കണമെന്നും കമ്പനികളുടെ നിലവിലുള്ള ഓക്സിജൻ ഉൽപാദന ശേഷിയും ആശുപത്രികളിലേക്ക് മെഡിക്കൽ ഗ്രേഡ് ഓക്സിജന്‍റെ വിതരണം വർദ്ധിപ്പിക്കണമെന്നും രാസ കമ്പനികളോട് ശ്രീ മാണ്ഡവിയ ആഹ്വാനം ചെയ്തു. കമ്പനികൾ ഇത് സ്വാഗതം ചെയ്യുകയും കൊവിഡിനെതിരെയുള്ള പോരാട്ടത്തിൽ സർക്കാരിന്‍റെ ശ്രമങ്ങളിൽ പങ്കുചേരാൻ താൽപര്യം കാണിക്കുകയും ചെയ്തു.