മധുരൈ:കൊവിഡ് പേടിയില്‍ ചാണകപ്പൊടിയില്‍ വിഷം ചേർത്ത് കഴിച്ച് ആത്മഹത്യക്ക് ശ്രമിച്ച നാലംഗ കുടുംബത്തിലെ രണ്ട് പേര്‍ക്ക് ദാരുണാന്ത്യം. രണ്ട് പേരെ അതീവ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. തമിഴ്‌നാട്ടിലെ കല്‍മേഡിനടുത്ത് എം.ജി.ആര്‍ കോളനിയില്‍ ജ്യോതിക (23), റിതിഷ് (3) എന്നിവരാണ് മരിച്ചത്.
കൊവിഡ് പേടിച്ച് ആത്മഹത്യ: യുവതിയും മൂന്ന് വയസുകാരിയും മരിച്ചു, ആംബുലൻസില്‍ കയറ്റുന്ന ഞെട്ടിക്കുന്ന ദൃശ്യങ്ങൾ
ജനുവരി എട്ടിനാണ് ജ്യോതികക്ക് കൊവിഡ് സ്ഥിരീകരിച്ചത്. ഇവര്‍ക്കൊപ്പം മാതാവ് ലക്ഷ്മി (45), അനുജന്‍ ശിബ്‌രാജ് (13) എന്നിവരും താമസിച്ചിരുന്നു. കൊവിഡ് പകരുമെന്ന പേടിയിലാണ് കുടുംബം ചാണകപ്പൊടിയില്‍ വിഷം ചേർത്ത് ആത്മഹത്യക്ക് ശ്രമിച്ചതെന്ന് സിലൈമന്‍ പൊലീസ് അറിയിച്ചു. കുടുംബത്തെ മധുരൈ സർക്കാർ രാജാജി ആശുപത്രിയില്‍ പ്രവേശിപ്പിച്ചു.
Also Read: ഇടുക്കി എഞ്ചിനിയറിങ് കോളജിൽ എസ്എഫ്ഐ പ്രവർത്തകനെ കുത്തിക്കൊന്നു