ചണ്ഡിഗഡ് : പഞ്ചാബില്‍ അധികാരം ലഭിച്ചാല്‍ സംസ്ഥാനത്തെങ്ങും ഓരോ കുടുംബങ്ങള്‍ക്കും 300 യൂണിറ്റ് വൈദ്യുതി സൗജന്യമായി നൽകുമെന്ന് ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍. അടുത്ത വർഷം മാർച്ചിൽ നടക്കാനിരിക്കുന്ന നിയമസഭ തെരഞ്ഞെടുപ്പില്‍ കണ്ണെറിഞ്ഞാണ് എ.എ.പി ദേശീയ കൺവീനര്‍ കൂടിയായ കെജ്‌രിവാളിന്‍റെ പ്രഖ്യാപനം.
പഞ്ചാബില്‍ തടസമില്ലാതെ വൈദ്യുതി വിതരണം ഉറപ്പാക്കും. തീർപ്പുകൽപ്പിക്കാത്ത വൈദ്യുതി ബില്ലുകൾ എഴുതിത്തള്ളും. അടിസ്ഥാന സൗകര്യവികസനം മൂന്ന്-നാല് വർഷത്തിനുള്ളില്‍ പ്രാവര്‍ത്തികമാക്കും.