ന്യൂഡല്‍ഹി/മുംബൈ : യുക്രൈനില്‍ കുടുങ്ങിയ 806 ഇന്ത്യക്കാരെക്കൂടി നാട്ടില്‍ തിരിച്ചെത്തിച്ചു. റൊമേനിയ, ഹംഗറി, പോളണ്ട് തുടങ്ങിയ രാജ്യങ്ങളില്‍ നിന്ന് ഇവരെ വിമാനം വഴി രാജ്യത്തെത്തിക്കുകയായിരുന്നു. യുക്രൈനില്‍ നിന്ന് ഈ അതിര്‍ത്തി രാജ്യങ്ങളിലേക്ക് ഇവര്‍ റോഡ് മാര്‍ഗമാണ് വന്നത്.
628 പേര്‍ ഡല്‍ഹി വിമാനത്താവളത്തിലാണ് ഇറങ്ങിയത്. 183 പേര്‍ മുംബൈ വിമാനത്താവളത്തിലും എത്തിച്ചേര്‍ന്നു. ഡല്‍ഹിയില്‍ പ്രതിരോധ സഹമന്ത്രി അജയ്ഭട്ടും, മുംബൈയില്‍ കേന്ദ്ര റെയില്‍വെ സഹമന്ത്രി റാവുസാഹേബ് ദന്‍വെയും യാത്രക്കാരെ സ്വീകരിച്ചു.