ഒരാൾ പീഡിപ്പിച്ച ദൃശ്യങ്ങൾ കാട്ടി മറ്റൊരാളും പീഡിപ്പിച്ചു; എഞ്ചിനീയറിങ് വിദ്യാർഥിനി നേരിട്ടത് ദിവസങ്ങൾ നീണ്ട നരക യാതന

Btech Student Raped By Two Men : പ്രണയം അറിയിച്ചപ്പോൾ എതിർത്ത പെൺകുട്ടിയെ സ്വന്തം കയ്യിൽ ബ്ലേഡ് കൊണ്ട് വരഞ്ഞാണ് കൃഷ്ണ റെഡ്ഡി വശത്താക്കിയത്. ബെംഗളൂരുവിൽ വച്ച് കൃഷ്ണ റെഡ്ഡി അവളെ തന്‍റെ സുഹൃത്തിന്‍റെ മുറിയിലേക്ക് കൊണ്ടുപോയി 4 ദിവസം തുടര്‍ച്ചയായി ലൈംഗികമായി പീഡിപ്പിച്ചു.

അനന്തപൂർ: എഞ്ചിനിയറിങ് വിദ്യാർഥിനിയെ രണ്ടുപേർ ചേർന്ന് ബ്ലാക്ക് മെയിൽ ചെയ്‌ത്‌ പീഡനത്തിനിരയാക്കിയതായി പരാതി (Engineering Student Blackmailed And Raped By Two Men). ഒരാൾ പ്രണയം നടിച്ച് പെൺകുട്ടിയെ വശത്താക്കിയ ശേഷം ദിവസങ്ങളോളം പീഡനത്തിനിരയാക്കുകയും, മറ്റൊരാൾ ആദ്യത്തെയാൾ പീഡിപ്പിച്ച ദൃശ്യങ്ങൾ പുറത്തുവിടുമെന്ന് ഭീഷണിപ്പെടുത്തി ബലാൽസംഗം ചെയ്യുകയുമായിരുന്നു. ആന്ധ്രപ്രദേശിലെ അനന്തപൂരിലാണ് (Anantapur) സംഭവം. അനന്തപൂരിലെ താടിപത്രി (Tadipatri ) സദേശിനിയാണ് പീഡനത്തിനിരയായത്.

വിജയവാഡയിൽ (Vijayawada) കോളേജിൽ ബി ടെക്കിന് പഠിക്കുന്ന വിദ്യാർഥിനി താടിപത്രി സദേശിയായ കൃഷ്ണ റെഡ്ഡിയുമായി പ്രണയത്തിലായിരുന്നു. പ്രണയം അറിയിച്ചപ്പോൾ എതിർത്ത പെൺകുട്ടിയെ സ്വന്തം കയ്യിൽ ബ്ലേഡ് കൊണ്ട് വരഞ്ഞാണ് കൃഷ്ണ റെഡ്ഡി വശത്താക്കിയത്. അഞ്ച് മാസത്തോളം നീണ്ട പ്രണയബന്ധത്തിനൊടുവിൽ ഇക്കഴിഞ്ഞ ഒക്ടോബർ 19 ന് വിജയവാഡയിലെ ഹോസ്റ്റലിൽ താമസിക്കുന്ന യുവതിയോട് കൃഷ്ണ റെഡ്ഡി ബെംഗളൂരുവിലേക്ക് വരാൻ ആവശ്യപ്പെട്ടു. അല്ലെങ്കിൽ പ്രണയബന്ധം വീട്ടുകാരോടും സുഹൃത്തുക്കളോടും പറയുമെന്നും ഇയാൾ ഭീഷണിപ്പെടുത്തി.

ഇതോടെ ഭയന്ന യുവതി ഒക്ടോബർ 20ന് തന്നെ ബെംഗളൂരുവിലേക്ക് പോയി. ബെംഗളൂരുവിൽ വച്ച് കൃഷ്ണ റെഡ്ഡി അവളെ തന്‍റെ സുഹൃത്തിന്‍റെ മുറിയിലേക്ക് കൊണ്ടുപോയി 4 ദിവസം തുടര്‍ച്ചയായി ലൈംഗികമായി പീഡിപ്പിച്ചു. അവിടെനിന്ന് രക്ഷപെട്ട് ഒക്‌ടോബർ 28ന് തിരികെ കോളേജിലെത്തിയപ്പോളാണ് മറ്റൊരു പ്രതിയായ ദിവാകർ പെൺകുട്ടിയെ സമീപിക്കുന്നത്. ബെംഗളൂരുവിൽ വച്ച് കൃഷ്ണ റെഡ്ഡി പീഡനത്തിനിരയാക്കുന്ന ദൃശ്യങ്ങൾ തൻ്റെ പക്കലുണ്ടെന്ന് പറഞ്ഞ് പെൺകുട്ടിയെ ഭീഷണിപ്പെടുത്തിയ ദിവാകർ അവളെ ഒരു ലോഡ്‌ജിലേക്ക് വിളിച്ചുവരുത്തി. തുടർന്ന് ഇയാളും പെൺകുട്ടിയെ രണ്ട് ദിവസത്തോളം തുടർച്ചയായി പീഡനത്തിനിരയാക്കിയതായി പരാതിയിൽ പറയുന്നു.

ദിവാകർ താൻ പെൺകുട്ടിയുമായി ബന്ധപ്പെടുന്ന ദൃശ്യങ്ങൾ ഒളിക്യാമറയിൽ പകർത്തുകയും അവ ആദ്യം പീഡനത്തിനിരയാക്കിയ കൃഷ്ണ റെഡ്ഡി ഉൾപ്പെടെയുള്ള സുഹൃത്തുക്കൾക്ക് അയക്കുകയും ചെയ്‌തു. ഇവരിലൂടെ പലർക്കും പ്രചരിച്ച വീഡിയോ ശ്രദ്ധയിൽപ്പെട്ടതോടെയാണ് പെൺകുട്ടിയുടെ വീട്ടുകാർ പൊലീസിൽ പരാതി നൽകിയത്. പരാതിയിൽ രണ്ട് പ്രതികൾക്കെതിരെയും പൊലീസ് കേസെടുത്തു. ഇതോടെ ഒളിവിൽ പോയ പ്രതികൾക്കായി അന്വേഷണം പുരോഗമിക്കുകയാണ്.