ശ്രീനഗർ: ജമ്മു കശ്‌മീരിൽ തീവ്രവാദികളും സുരക്ഷ സേനയും തമ്മിൽ ഏറ്റുമുട്ടൽ. അനന്ത്നാഗ് ജില്ലയിലെ സിർഹാമ മേഖലയിലാണ് ഏറ്റുമുട്ടൽ. തീവ്രവാദികളുടെ സാന്നിധ്യമുള്ളതായി പൊലീസിന് ലഭിച്ച വ്യക്തമായ വിവരത്തിന്‍റെ അടിസ്ഥാനത്തില്‍ നടത്തിയ പരിശോധനയെ തുടര്‍ന്നാണ് വെടി വയ്‌പ്പ്.
'അനന്ത്നാഗിലെ സിർഹാമയിൽ തീവ്രവാദികൾ തമ്പടിച്ചതായി രഹസ്യാന്വേഷണ വിഭാഗത്തിന് വിവരങ്ങൾ ലഭിച്ചു. ഇതിന്‍റെ അടിസ്ഥാനത്തിൽ സുരക്ഷ സേന തിരച്ചിൽ ആരംഭിക്കുകയും പ്രദേശം വളയുകയും ചെയ്‌തു. സുരക്ഷ സേന പ്രദേശം വളഞ്ഞതോടെ ഒളിച്ചിരുന്ന തീവ്രവാദികൾ സുരക്ഷ സേനയ്ക്ക് നേരെ വെടിയുതിർക്കാൻ തുടങ്ങി'. ഒരു മുതിർന്ന പൊലീസ് ഉദ്യോഗസ്ഥൻ പറഞ്ഞു.