ശ്രീനഗർ:സുരക്ഷാസേനയുമായുണ്ടായ ഏറ്റുമുട്ടലിൽ തീവ്രവാദി കൊല്ലപ്പെട്ടതായി കശ്‌മീര്‍ പൊലീസ്. ഇയാള്‍ ഏത് ഭീകര ഗ്രൂപ്പില്‍പ്പെട്ടയാളാണെന്ന് തിരിച്ചറിഞ്ഞിട്ടില്ല. ഞായറാഴ്ച പുലര്‍ച്ചെ ഹർവാനിലെ ധർബാഗ്‌ ധാര പ്രദേശത്താണ് സംഭവം.
തീവ്രവാദികളുടെ സാന്നിധ്യത്തെക്കുറിച്ച് വിവരം ലഭിച്ചതിന്‍റെ അടിസ്ഥാനത്തിൽ പൊലീസിന്‍റെയും സൈന്യത്തിന്‍റെയും സംയുക്ത സംഘം പ്രദേശത്ത് തെരച്ചിൽ നടത്തുകയുണ്ടായി. ഇതിനിടെ ഒളിച്ചിരിക്കുന്ന തീവ്രവാദികൾ വെടിയുതിർത്തു. സേന നടത്തിയ പ്രത്യാക്രമണത്തിലാണ് ഭീകരന്‍ കൊല്ലപ്പെട്ടത്.