ത്രാൽ മേഖലയിൽ സുരക്ഷ സേനയും തീവ്രവാദികളും തമ്മിൽ ഏറ്റുമുട്ടൽ

പൊലീസ്, ആർമി, സിആർപിഎഫ് സംയുക്ത സേനാംഗങ്ങൾ ചേർന്ന് നടത്തിയ തിരച്ചിലിനിടെയാണ് ഒളിഞ്ഞിരുന്ന തീവ്രവാദികൾ സംഘത്തിന് നേരെ വെടിയുതിർത്തത്.

പുൽവാമ:ത്രാൽ മേഖലയിലെ തൽവാണി മൊഹല്ലയിൽ സുരക്ഷ സേനയും തീവ്രവാദികളും തമ്മിൽ ഏറ്റുമുട്ടലുണ്ടായതായി അധികൃതർ അറിയിച്ചു. തീവ്രവാദികളുടെ സാന്നിധ്യമുണ്ടെന്ന വിവരം ലഭിച്ചതിനെ തുടർന്ന് പൊലീസും ആർമിയും സിആർപിഎഫ് സേനാംഗങ്ങളും സംയുക്തമായി പ്രദേശത്ത് തിരച്ചിൽ ആരംഭിച്ചിരുന്നു.

സംശയാസ്‌പദമായ എല്ലാ സ്ഥലങ്ങളിലേക്കും ഊർജിതമായ തിരച്ചിൽ നടത്തുന്നതിനിടെ ഒളിഞ്ഞിരുന്ന തീവ്രവാദികൾ സംഘത്തിന് നേരെ വെടിയുതിർക്കുകയായിരുന്നു. തുടർന്ന് സംയുക്ത സേനയും തിരിച്ചടിച്ചതോടെ ഏറ്റുമുട്ടലിന് കാരണമായി.

നിലവിൽ പ്രദേശത്ത് വെടിവയ്പ്പ് തുടരുകയാണെന്നും തീവ്രവാദ സംഘത്തിലുൾപ്പെട്ട ചിലർ ഇവിടെ ഒളിഞ്ഞിരിക്കുന്നതായും അധികൃതർ അറിയിച്ചു.