ജമ്മു കശ്‌മീരിൽ ഏറ്റുമുട്ടൽ; മൂന്ന് തീവ്രവാദികളെ വധിച്ചു

അവന്തിപോരയിലെ നാഗബേരൻ ട്രാൾ മേഖലയിലാണ് ഏറ്റുമുട്ടലുണ്ടായത്.

ശ്രീനഗർ: സുരക്ഷ സേനയും തീവ്രവാദികളും തമ്മിലുണ്ടായ ഏറ്റുമുട്ടലിൽ മൂന്ന് തീവ്രവാദികളെ വധിച്ചു. മൂന്ന് ജെയ്‌ഷെ മുഹമ്മദ് തീവ്രവാദികളെയാണ് സൈന്യം വധിച്ചത്. അവന്തിപോരയിലെ നാഗ്ബേ‌രൻ ട്രാൾ മേഖലയിലാണ് ഏറ്റുമുട്ടലുണ്ടായത്. ഏറ്റുമുട്ടൽ തുടരുകയാണെന്ന് ജമ്മു കശ്‌മീർ പൊലീസ് വ്യക്തമാക്കി.

വെള്ളിയാഴ്‌ച പുൽവാമ ജില്ലയിലെ പാംപോർ മേഖലയിലുണ്ടായ ഏറ്റുമുട്ടലിൽ രണ്ട് തീവ്രവാദികളെ വധിച്ചിരുന്നു.