നീലഗിരി: മസിനഗുഡിയിലെ ജനങ്ങൾക്ക് പേടിസ്വപ്‌നമായ നരഭോജി കടുവ പിടിയിൽ. രാപകൽ നീണ്ട തെരച്ചിലിനൊടുവിലാണ് ടി 23 എന്ന് പേരിട്ടിരിക്കുന്ന 13 വയസുള്ള ആൺകടുവയെ മയക്കുവെടി വച്ച് പിടികൂടാൻ കഴിഞ്ഞത്.
കഴിഞ്ഞ ദിവസം മസിനഗുഡി വനത്തിന് സമീപം കടുവയ്ക്ക് നേരെ മയക്കുവെടി വച്ചിരുന്നു. എന്നാൽ കടുവ തെന്നിമാറി രക്ഷപെട്ട് കാട്ടിൽ മറയുകയാണുണ്ടായത്. വെള്ളിയാഴ്‌ച കേരള, തമിഴ്‌നാട്, കർണാടക വനംവകുപ്പിന്‍റെ പ്രത്യേക സംഘങ്ങൾ 20 ദിവസത്തിലേറെയായി കടുവയെ നിരീക്ഷിച്ച് വരികയായിരുന്നു.
മസിനഗുഡിയെ വിറപ്പിച്ച നരഭോജി കടുവയെ പിടികൂടി വനംവകുപ്പ്
ഗൂഡല്ലൂര്‍, മസിനഗുഡി, പന്തല്ലൂര്‍ തുടങ്ങിയ നീലഗിരി ജില്ലയിലെ വിവിധ പ്രദേശങ്ങളിലാണ് കടുവയുടെ ആക്രമണമുണ്ടായത്. ജൂലൈ മുതലാണ് ഇത് ആരംഭിച്ചതെന്ന് വനം വകുപ്പ് പറയുന്നു. നാല് മനുഷ്യരെയും 20 ലധികം കന്നുകാലികളെയും കടുവ കൊന്നിരുന്നു.