കവി വരവര റാവുവിന് ഇടക്കാല ജാമ്യം അനുവദിച്ചു

ആരോഗ്യ സ്ഥിതി കണക്കിലെടുത്താണ് വരവര റാവുവിന് ഇടക്കാല ജാമ്യം അനുവദിച്ചത്.

മുംബൈ: ആരോഗ്യ പ്രശ്‌നങ്ങളെ തുടർന്ന് കവി വരവര റാവുവിന് ഇടക്കാല ജാമ്യം അനുവദിച്ചു. ബോംബെ ഹൈക്കോടതി ആറ് മാസത്തേക്കാണ് ജാമ്യം അനുവദിച്ചത്. മുംബൈ വിട്ടു പോകരുതെന്നും തുടർ അന്വേഷണത്തിന് ഹാജരാകണമെന്നുമുള്ള വ്യവസ്ഥയിലാണ് ജാമ്യം. എൽഗർ പരിഷത്ത്-മാവോയിസ്റ്റ് ബന്ധം ആരോപിക്കപ്പെട്ട കേസിൽ റാവു ഉൾപ്പെടെ 10 പേരാണ് അറസ്റ്റിലായത്. പൂനെ പൊലീസ് അന്വേഷിച്ചിരുന്ന കേസ് ദേശീയ അന്വേഷണ ഏജൻസിക്ക് (എൻഐഎ) കൈമാറിയിരുന്നു.

കൂടുതൽ വായിക്കാൻ: വിപ്ലവ കവി വരവര റാവുവിനെ ആശുപത്രിയിൽ പ്രവേശിപ്പിച്ചു