ഫറൂഖാബാദ്: മദ്യപിച്ച് ബോധരഹിതനായി പാന്‍റ്സ്‌ അഴിച്ച് ഷര്‍ട്ടും നിക്കറുമിട്ട് സ്‌കൂളിന്‍റെ വരാന്തയില്‍ കിടക്കുന്ന അധ്യാപകന്‍. സമീപത്തായി ഈ അധ്യാപകനെയും നോക്കി കൗതുകത്തോടെ നില്‍ക്കുന്ന കുരുന്നുകള്‍. ഉത്തര്‍പ്രദേശിലെ പരമാപുർ പ്രൈമറി സ്‌കൂളില്‍ നിന്നുള്ള ഈ ദൃശ്യം സാമൂഹ്യ മാധ്യമങ്ങളില്‍ ചർച്ചയാണ്.
മദ്യപിച്ച് ബോധരഹിതനായി അധ്യാപകൻ സ്‌കൂളിന് മുന്നില്‍
ബുധനാഴ്‌ച (ഓഗസ്റ്റ് 17) വീഡിയോ വ്യാപകമായി പ്രചരിച്ചതോടെ അധ്യാപകന്‍ അനന്ത്‌റാമിനെതിരെ പൊലീസ് കേസെടുത്തു. അധ്യാപകൻ നിലത്തുകിടക്കുന്നത് കണ്ടതിനെ തുടര്‍ന്ന് പ്രദേശവാസികള്‍ തടിച്ചുകൂടുകയും ശബ്‌ദമുണ്ടാവുകയും ചെയ്‌തതോടെ അധ്യാപകന്‍ എഴുന്നേറ്റു. ശേഷം, സ്‌കൂള്‍ അങ്കണത്തില്‍ ഛര്‍ദിക്കുകയുണ്ടായി. തുടര്‍ന്ന്, മോട്ടോര്‍ ബൈക്കുമെടുത്ത് സ്ഥലം വിടാന്‍ ശ്രമിക്കവെ, നേരെ നില്‍ക്കാന്‍ ആവാത്തതിനെ തുടര്‍ന്ന് വാഹനവുമായി ഇയാള്‍ മറിഞ്ഞുവീണു. ഇതും പ്രചരിക്കുന്ന ദൃശ്യത്തിലുണ്ട്.