ഷിലോങ്:മേഘാലയയിലെ വെസ്റ്റ് ഗാരോ ഹിൽസിൽ ആയുധങ്ങളും വെടിക്കോപ്പുകളുമായി മൂന്ന് പേർ അറസ്റ്റിൽ. സിൽമാൻ ആർ മാരക് (30 ), ഏലിയാസ് ആലോം (24), നൂർ ഹുസൈൻ (22 ) എന്നിവരാണ് അറസ്റ്റിലായത്. വെള്ളിയാഴ്‌ച(ഒക്‌ടോബര്‍ 14) രാത്രി നികികോണ മേഖലയിൽ നിന്നാണ് പ്രതികൾ അറസ്റ്റിലായത്.
പൊലീസിന് ലഭിച്ച രഹസ്യ വിവരത്തിന്‍റെ അടിസ്ഥാനത്തിൽ പരിശോധന നടത്തിയപ്പോഴാണ് പ്രതികൾ പിടിയിലായത്. ഒരു പിസ്റ്റൾ, ഒരു മാഗസിൻ, മൂന്ന് വെടിയുണ്ടകൾ, ML-08G-4295 രജിസ്ട്രേഷൻ നമ്പറിലുള്ള ഒരു മോട്ടോർ സൈക്കിൾ, രജിസ്ട്രേഷൻ നമ്പറില്ലാത്ത ഒരു സ്‌കൂട്ടര്‍, രണ്ട് മൊബൈൽ ഫോണുകൾ, രണ്ട് സിം കാർഡുകൾ എന്നിവ ഇവരിൽ നിന്ന് കണ്ടെടുത്തിട്ടുണ്ടെന്ന് വെസ്റ്റ് ഗാരോ ഹിൽസ് പൊലീസ് സൂപ്രണ്ട് വിവേകാനന്ദ് സിങ് റാത്തോഡ് പറഞ്ഞു.