ന്യൂഡല്‍ഹി: ബലിപെരുന്നാള്‍ ആഘോഷങ്ങള്‍ക്കായി കേരളത്തില്‍ കൊവിഡ് നിയന്ത്രണങ്ങള്‍ക്ക് ഇളവ് നല്‍കിയതിനെ വിമർശിച്ച് കോണ്‍ഗ്രസ് വക്താവ് മനു അഭിഷേക് സിങ്‌വി.
പെരുന്നാള്‍ ആഘോഷങ്ങള്‍ക്കായി കൊവിഡ് നിയന്ത്രണങ്ങള്‍ ഇളവ് നല്‍കിയ കേരള സർക്കാരിന്‍റെ നടപടി തീർത്തും ദൗർഭാഗ്യകരമായിപ്പോയി. കേരള കൊവിഡ് കിടക്കയിലാണെന്ന് മറക്കരുത് എന്നായിരുന്നു മനു അഭിഷേക് സിങ്‌വിയുടെ ട്വീറ്റ്.
കൻവാർ തീർഥാടനം റദ്ദാക്കിയ യുപി സർക്കാര്‍ നടപടിയും സിങ്‌വി ട്വീറ്റില്‍ പ്രതിപാദിച്ചു. കൻവാർ തെറ്റാണെങ്കില്‍ ഈദ് പൊതുവായി ആഘോഷിക്കുന്നതും തെറ്റാണെന്നും സിങ്‌വി ട്വീറ്റില്‍ കൂട്ടിച്ചേർത്തു.