ബെംഗളൂരു :സംസ്ഥാനത്ത് കൊവിഡ് രോഗികളുടെ എണ്ണത്തിൽ കുറവ് രേഖപ്പെടുത്തുന്നുണ്ടെങ്കിലും വൈറസിന്‍റെ പുതിയ വകഭേദങ്ങൾ കർണാടകയിൽ ആശങ്ക ഉയർത്തുന്നു. അടുത്തിടെയാണ് മൈസുരുവിൽ 'ഡെൽറ്റ പ്ലസ്' വകഭേദം കണ്ടെത്തിയത്.
മഹാരാഷ്‌ട്രയിലും സമാന കേസ് രേഖപ്പെടുത്തിയിരുന്നു. ബെംഗളൂരു നാഷണൽ സെന്‍റർ ഫോർ ബയോളജിക്കൽ സയൻസ് നടത്തിയ ജീനോമിക് സീക്വൻസിങിനെ തുടർന്നാണ് ഡെൽറ്റ പ്ലസ് വകഭേദം കണ്ടെത്തിയത്.
ഈ വൈറസിന് ഉയർന്ന സംക്രമണ നിരക്ക് ഉള്ളതായും വ്യാപനത്തിന്‍റെ തീവ്രത കൂടുതലാണെന്നുമാണ് പഠനങ്ങൾ സൂചിപ്പിക്കുന്നത്.അതേസമയം ഡെൽറ്റ പ്ലസ് വകഭേദം സംബന്ധിച്ച് ഔദ്യോഗിക സ്ഥിരീകരണമൊന്നും ലഭിച്ചിട്ടില്ലെന്നാണ് മൈസൂരു ജില്ല കലക്‌ടർ ഡോ. ബഗടി ഗൗതം അറിയിച്ചത്.