ഡൽഹിയിലെ വായു ഗുണനിലവാരം 'വളരെ മോശം'

അതേസമയം, വെള്ളി, ശനി ദിവസങ്ങളിൽ തലസ്ഥാനത്തെ ഒറ്റപ്പെട്ടയിടങ്ങളിൽ മഴയ്ക്ക് സാധ്യതയുണ്ടെന്ന് അധികൃതർ അറിയിച്ചു.

ന്യൂഡൽഹി: ഡൽഹിയിലെ വായു ഗുണനിലവാരം വളരെ മോശമായി തുടരുന്നു. ഗാസിയാബാദിലും ഗ്രേറ്റർ നോയിഡയിലെയും മലിനീകരണ തോത് രൂക്ഷമായി. അതേസമയം, വെള്ളി, ശനി ദിവസങ്ങളിൽ തലസ്ഥാനത്തെ ഒറ്റപ്പെട്ടയിടങ്ങളിൽ മഴയ്ക്ക് സാധ്യതയുണ്ടെന്ന് അധികൃതർ അറിയിച്ചു. വെള്ളിയാഴ്ച രാവിലെ ഒൻപതിന് നഗരത്തിലെ വായു ഗുണനിലവാര സൂചിക (എക്യുഐ) 302 ആയിരുന്നു.

എക്യൂഐ 0 മുതൽ 50 വരെ അപകടമില്ല, 51 മുതൽ 100 വരെ തൃപ്തികരവും, 101 മുതൽ 200 വരെ മിതവുമാണ്. 201 മുതൽ 300 വരെ മോശവും, 301 മുതൽ 400 വരെ വളരെ മോശവുമാണ്. 401 മുതൽ 500 വരെ അപകട സാധ്യത കൂടുതലാണ്.