ന്യൂഡൽഹി : പെൺവാണിഭ സംഘത്തില്‍ ഉള്‍പ്പെട്ട അഞ്ച് പേരെ പിടികൂടി ഡൽഹി പൊലീസ്. നാല് ഉസ്‌ബെക്കിസ്ഥാന്‍ പെൺകുട്ടികളെയും ഒരു ടാക്‌സി ഡ്രൈവറുമാണ് ദക്ഷിണ ഡല്‍ഹിയില്‍ ക്രൈംബ്രാഞ്ച് ആന്‍റി ട്രാഫിക്കിങ് യൂണിറ്റിന്‍റെ പിടിയിലായത്. സംഘത്തിലെ കൂടുതല്‍പേരെ കണ്ടെത്താനുള്ള തിരച്ചില്‍ പുരോഗമിക്കുന്നതായും പൊലീസ് അറിയിച്ചു.
ALSO READ:പോളിങ് ബൂത്തിന് സമീപം സ്‌ഫോടനം; യുവാവ് മരിച്ചു, ഒരാൾക്ക് ഗുരുതര പരിക്ക്
വിദേശ രാജ്യങ്ങളിൽ നിന്നുള്ള പെൺകുട്ടികൾ ഡൽഹിയിൽ പെണ്‍വാണിഭ സംഘത്തിലേക്ക് എത്തുന്നതായി വ്യക്തമായ സൂചനകൾ ലഭിച്ചിരുന്നു. അതിന്‍റെ ഭാഗമായാണ് അറസ്റ്റ്. പെണ്‍വാണിഭ സംഘത്തലവന്‍ ഗോഡു എന്ന നരേഷുമായി ഫോണില്‍ ഇടപാട് നടത്തി. തുടര്‍ന്ന്, ഫെബ്രുവരി 24 ന് വസന്ത് കുഞ്ച് റോഡിലെ മഹിപാൽപൂരിലെ ഹോട്ടലിന് സമീപത്ത് ഏജന്‍റ് പെൺകുട്ടികളെ എത്തിച്ചു. ഇവിടെ നിന്നാണ് പ്രതികളെ വലയിലാക്കിയത്.