ന്യൂഡല്‍ഹി: ഡൽഹിയിൽ ദിവസേനയുള്ള കൊവിഡ് കേസുകളിൽ നേരിയ ഇടിവ്. കഴിഞ്ഞ 24 മണിക്കൂറിനിടെ 305 പുതിയ കേസുകളാണ് സംസ്ഥാനത്ത് രേഖപ്പെടുത്തിയത്. 44 മരണം സ്ഥിരീകരിച്ചു. 75133 സാമ്പിളുകളാണ് പരിശോധിച്ചത്. 0.41 ആണ് ടെസ്റ്റ് പോസിറ്റിവിറ്റി നിരക്ക്.
560 പേര്‍ രോഗമുക്തി നേടിയിട്ടുണ്ട്. ഇതോടെ സംസ്ഥാനത്ത് 14 ലക്ഷത്തിലേറെ പേര്‍ കൊവിഡ് മുക്തി നേടിയതായി ആരോഗ്യവകുപ്പ് അറിയിച്ചു. അതേസമയം 24,748 പേര്‍ക്ക് കൊവിഡ് മൂലം ജീവന്‍ നഷ്ടമായിട്ടുണ്ട്. ഇതേവരെ 14,30,433 പേര്‍ക്കാണ് സംസ്ഥാനത്ത് കൊവിഡ് സ്ഥിരീകരിച്ചിട്ടുള്ളത്. നിലവില്‍ 4212 കൊവിഡ് രോഗികളാണ് ചികിത്സയിലുള്ളത്.