ന്യൂഡല്‍ഹി: ഡല്‍ഹിയില്‍ ലോക്ക് ഡൗണ്‍ പ്രഖ്യാപിച്ച സാഹചര്യത്തില്‍ രാജ്യസഭ ജീവനക്കാര്‍ക്ക് വര്‍ക്ക് ഫ്രം ഹോം. ഈ വെള്ളിയാഴ്‌ച വരെയാണ് വര്‍ക്ക് ഫ്രം ഹോം നല്‍കിയിരിക്കുന്നത്. രാജ്യസഭയിലെ എല്ലാ വിഭാഗം ജീവനക്കാർക്കും ഏപ്രില്‍ 20 മുതല്‍ 23 വരെ വീട്ടില്‍ ഇരുന്ന് ജോലി ചെയ്യാമെന്നാണ് നിര്‍ദേശം. ഓഫിസിന്‍റെ തടസമില്ലാത്ത പ്രവര്‍ത്തനങ്ങള്‍ക്കായി ജീവനക്കാര്‍ വീട്ടിലാണെങ്കില്‍ കൂടി ഇലക്‌ട്രോണിക് മാധ്യമങ്ങളിലൂടെ ഹാജരമാകണമെന്നും അടിയന്തര സാഹചര്യങ്ങളില്‍ ഓഫിസില്‍ ഹാജരാകേണ്ടി വരുമെന്നും ജീവനക്കാര്‍ക്ക് ലഭിച്ച ഉത്തരവില്‍ പറയുന്നു.
തലസ്ഥാനത്ത് കൊവിഡ് അതിരൂക്ഷമായ സാഹചര്യത്തിലാണ് മുഖ്യമന്ത്രി അരവിന്ദ് കെജ്‌രിവാള്‍ ഡല്‍ഹിയില്‍ ഒരാഴ്‌ചത്തെ ലോക്ക് ഡൗണ്‍ പ്രഖ്യാപിച്ചത്. ഏപ്രില്‍ 26 വരെയാണ് ഡല്‍ഹിയില്‍ നിയന്ത്രണം ഏര്‍പ്പെടുത്തിയിരിക്കുന്നത്.