ഭക്ഷണശാലകളിൽ നിന്ന് ഓക്സിജൻ കോൺസെൻട്രേറ്ററുകൾ പിടിച്ചെടുത്ത സംഭവം; പ്രതിയുടെ മുൻകൂർ ജാമ്യാപേക്ഷ തളളി

ഡൽഹിയിൽ അടുത്തിടെ നടത്തിയ റെയ്ഡിൽ 524 ഓക്സിജൻ കോൺസെൻട്രേറ്ററുകൾ കൽറയുടെ ഉടമസ്ഥതയിലുള്ള മൂന്ന് റെസ്റ്റോറന്റുകളിൽ നിന്ന് കണ്ടെടുത്തിരുന്നത്.

ന്യൂഡൽഹി: ഡൽഹിയിലെ ഖാൻ ചാച്ച' ഉൾപ്പെടെയുള്ള ഭക്ഷണശാലകളിൽ നിന്ന് കൊവിഡ് രോഗികൾക്ക് ആവശ്യമായ ഓക്സിജൻ കോൺസെൻട്രേറ്ററുകൾ പിടിച്ചെടുത്തതുമായി ബന്ധപ്പെട്ട് വ്യവസായി നവനീത് കൽറ ഡൽഹി ഹൈക്കോടതിയിൽ സമർപ്പിച്ച മുൻകൂർ ജാമ്യാപേക്ഷ തള്ളി.

അഡീഷണൽ സെഷൻ ജഡ്ജി സന്ദീപ് ഗാർഗാണു ഇതുമായി ബന്ധപ്പെട്ട ഉത്തരവ് പുറപ്പെടുവിച്ചത്. അറസ്റ്റിനെ ഭയന്ന് നവനീത്‌ ഈ ആഴ്ച ജാമ്യം തേടി കോടതിയെ സമീപിച്ചിരുന്നു. ഡൽഹിയിൽ അടുത്തിടെ നടത്തിയ റെയ്ഡിൽ 524 ഓക്സിജൻ കോൺസെൻട്രേറ്ററുകളാണ് കൽറയുടെ ഉടമസ്ഥതയിലുള്ള മൂന്ന് റെസ്റ്റോറന്‍റുകളില്‍ നിന്ന് കണ്ടെടുത്തിരുന്നത്. സംഭവത്തിനു ശേഷം ഇയാൾ കുടുംബത്തോടൊപ്പം നാട് വിട്ടതായാണ് സൂചന.