ഭുവനേശ്വർ:കിഴക്കൻ മധ്യ ബംഗാൾ ഉൾക്കടലിൽ ശനിയാഴ്‌ച രാവിലെ ന്യൂനമർദം രൂപപ്പെട്ടതായും മെയ് 24നകം ഇത് ചുഴലിക്കാറ്റായി മാറിയേക്കുമെന്നും കേന്ദ്ര കാലാവസ്ഥാ വകുപ്പ് (ഐഎംഡി) അറിയിച്ചു. ഐഎംഡി നൽകുന്ന വിവരം അനുസരിച്ച് കൂടുതൽ ശക്തിപ്രാപിക്കുന്ന ചുഴലിക്കാറ്റ് വടക്ക്-പടിഞ്ഞാറൻ ദിശയിലേക്ക് സഞ്ചരിക്കുകയും പശ്ചിമ ബംഗാൾ കടന്ന് മെയ് 26ന് വടക്കൻ ഒഡീഷ, ബംഗ്ലാദേശ് തീരങ്ങൾ തൊടുകയും ചെയ്യും.
യാസ് ചുഴലിക്കാറ്റ്: ബംഗാൾ ഉൾക്കടലിൽ ന്യൂനമർദം രൂപപ്പെട്ടു - കേന്ദ്ര കാലാവസ്ഥാ വകുപ്പ്
ന്യൂനമർദം മെയ് 24നകം ചുഴലിക്കാറ്റായി മാറിയേക്കുമെന്നും മെയ് 26ന് വടക്കൻ ഒഡീഷ, ബംഗ്ലാദേശ് തീരങ്ങൾ തൊടുമെന്നും കാലാവസ്ഥാ വകുപ്പ് അറിയിച്ചു.
Cyclone Yaas: Low Pressure Forms In Bay Of Bengal
മെയ് 26ന് യാസ് ചുഴലിക്കാറ്റ് ഒഡീഷ, പശ്ചിമ ബംഗാൾ തീരം തൊടുമെന്നും ഇരു സംസ്ഥാനങ്ങളിലും മെയ് 22 മുതൽ 26 വരെ കനത്ത മഴ അനുഭവപ്പെടുമെന്നും ഐഎംഡി നേരത്തെ പ്രവചിച്ചിരുന്നു. ഈ സാഹചര്യത്തിൽ പശ്ചിമ ബംഗാളിലെ മത്സ്യത്തൊഴിലാളികൾ മെയ് 23 മുതൽ കടലിൽ ഇറങ്ങരുതെന്ന് മുന്നറിയിപ്പ് നൽകിയിട്ടുണ്ട്. കൂടാതെ ആഴക്കടലിലുള്ളവർ മെയ് 23 രാവിലെ തന്നെ തീരത്തേക്ക് മടങ്ങാനും നിർദേശം നൽകിയിരിക്കുകയാണ്.
കൂടുതൽ വായനയ്‌ക്ക്:യാസ് ചുഴലിക്കാറ്റ്: സംസ്ഥാനങ്ങൾക്ക് കേന്ദ്ര ആരോഗ്യ മന്ത്രാലയത്തിന്‍റെ കത്ത്