മുംബൈ : ആഢംബര കപ്പലിലെ ലഹരി പാർട്ടിയുമായി ബന്ധപ്പെട്ട് കൂടുതൽ പ്രതികളെ ഇനിയും പിടികൂടാനുണ്ടെന്നും അന്വേഷണം പുരോഗമിക്കുകയാണെന്നും നാർക്കോട്ടിക്‌സ് കൺട്രോൾ ബ്യൂറോ മുംബൈ ഡയറക്‌ടർ സമീർ വാങ്കഡെ.
'ഇനിയും പ്രതികളെ പിടികൂടാനുണ്ട്. കേസിൽ പിടികൂടിയ എട്ട് പേരെ കോടതിയിൽ ഹാജരാക്കി. അതിൽ പേരെ നാല് ദിവസത്തെ ജുഡീഷ്യൽ കസ്റ്റഡിൽ വിട്ടിട്ടുണ്ട്', സമീർ വാങ്കഡെ പറഞ്ഞു.
ഒക്‌ടോബർ 2 നാണ് ഗോവയിലേക്ക് പോവുകയായിരുന്ന കോർഡിലിയ ക്രൂയിസിന്‍റെ 'ദി എംപ്രസ്' എന്ന ആഡംബര കപ്പലിൽ വച്ചുനടന്ന പാർട്ടിയിൽ നിന്നാണ് എന്‍സിബി ലഹരിമരുന്ന് കണ്ടെടുത്തത്. 13 ഗ്രാം കൊക്കെയ്‌ന്‍, 21 ഗ്രാം ചരസ്, 22 എംഡിഎംഎ ഗുളികള്‍, അഞ്ച് ഗ്രാം എംഡി എന്നിവയാണ് പിടിച്ചെടുത്തത്.