ന്യൂഡൽഹി:2022 നിയമസഭ തെരഞ്ഞെടുപ്പ് വരാനിരിക്കെ വിഐപി കാറ്റഗറിയിൽപ്പെട്ടവർക്ക് സുരക്ഷ ഏർപ്പെടുത്തുന്നതിനായി വനിത ഉദ്യോഗസ്ഥരെയും ഉൾപ്പെടുത്താൻ സിആർപിഎഫിന് ആഭ്യന്തര മന്ത്രാലയത്തിന്‍റെ അനുമതി. ഇതിന്‍റെ ഭാഗമായി 33 വനിതകളടങ്ങിയ ആദ്യബാച്ചിന്‍റെ പരിശീലനം ഉടൻ ആരംഭിക്കും.
പത്ത് ആഴ്‌ച നീണ്ട പരിശീലനമാണ് നൽകുന്നത്. പ്രധാനമായും വനിത നേതാക്കൾക്കും സ്ഥാനാർഥികൾക്കുമാണ് സുരക്ഷ മുൻഗണന നൽകുക. ഇതിന്‍റെ ഭാഗമായി ആദ്യഘട്ടത്തിൽ പരിശീലനം പൂർത്തിയാക്കുന്ന ഉദ്യോഗസ്ഥരെ വരാനിരിക്കുന്ന തെരഞ്ഞെടുപ്പ് റാലികളിൽ വനിത പ്രമുഖരുടെ സുരക്ഷയ്‌ക്കായി വിന്യസിക്കും.