ജാർഖണ്ഡിൽ സിആർ‌പി‌എഫ് ഉദ്യോഗസ്ഥൻ സ്വയം വെടിവച്ച് മരിച്ചു

അസമിലെ ബക്‌സ സ്വദേശിയായ ട്രൂപ്പർ പ്രവീൺ മൊചഹാരിയാണ് സർവീസ് റൈഫിൾ ഉപയോഗിച്ച് സ്വയം വെടിവെച്ച് മരിച്ചത്.

റാഞ്ചി: ജാർഖണ്ഡിലെ ലതേർ ജില്ലയിൽ സിആർ‌പി‌എഫ് ഉദ്യോഗസ്ഥൻ സ്വയം വെടിവച്ച് മരിച്ചു. അസമിലെ ബക്‌സ സ്വദേശിയായ ട്രൂപ്പർ പ്രവീൺ മൊചഹാരിയാണ് സർവീസ് റൈഫിൾ ഉപയോഗിച്ച് സ്വയം വെടിവച്ച് മരിച്ചത്. 133-ആം ബറ്റാലിയൻ ക്യാമ്പിലെ ഗാർഡ് റൂമിൽ ശനിയാഴ്ച ഉച്ചക്കാണ് സംഭവം. കുടുംബ പ്രശ്‌നങ്ങളാണ് ആത്മഹത്യക്ക് കാരണമെന്ന് ഉദ്യോഗസ്ഥർ പറഞ്ഞു. ഡിസംബർ 17ന് ബിഹാറിലെ നവാഡയിൽ നിന്നുള്ള മറ്റൊരു സിആർ‌പി‌എഫ് ഉദ്യോഗസ്ഥൻ സ്വയം വെടിവച്ച് മരിച്ചിരുന്നു.