മുംബൈ : മഹാരാഷ്ട്രയിൽ ലോക്ക്ഡൗണ്‍ ഇളവുകൾ അനുവദിച്ച സാഹചര്യത്തിൽ വിനോദ സഞ്ചാരികൾ കൂട്ടത്തോടെ എത്തുന്നത് കൊവിഡിന്‍റെ ഡെൽറ്റ പ്ലസ് വകഭേദം വർധിക്കാൻ കാരണമാകുമെന്ന് വിദഗ്ധർ. സംസ്ഥാനത്ത് മൺസൂൺ ആരംഭിച്ചതോടെ പല വിനോദ സഞ്ചാര കേന്ദ്രങ്ങളിലും ഒട്ടേറെ സഞ്ചാരികൾ എത്തുന്നുണ്ട്.
പാൽഘർ ജില്ലയിലെ വാഡ-ഖഡ്കോണ ഗ്രാമത്തിലെ ആശേരി കോട്ടയിൽ ധാരാളം സഞ്ചാരികൾ എത്തിത്തുടങ്ങിയിട്ടുണ്ട്. മഴക്കാലമായതിനാൽ സംസ്ഥാനത്തെ വെള്ളച്ചാട്ടങ്ങൾ സജ്ജീവമായതിനാൽ ഇത് ആസ്വദിക്കാനും ധാരാളം പേര്‍ എത്തുന്നു.
വിദർഭയിലെ വിനോദസഞ്ചാര കേന്ദ്രമായ ചിഖൽദാരയിലും ധാരാളം സഞ്ചാരികൾ എത്തുന്നുണ്ട്. ലാപ്പൂരിലെ അംബോലി ഘട്ട്, ഫോണ്ട ഘട്ട്, നാസിക് ജില്ലയിലെ ഇഗത്പുരി, പൂനെ ജില്ലയിലെ ലോനാവ്ല, മൽഷെജ്, ജുന്നാർ എന്നിവിടങ്ങളിലും കൊവിഡ് വകവെയ്ക്കാതെ വിനോദസഞ്ചാരികൾ എത്തുന്നുണ്ട്.