പൂനെ(മഹാരാഷ്‌ട്ര): 12 - 17 വയസ് വരെയുള്ളവര്‍ക്കും കൊവിഡ് 19 വാക്സിനായ കൊവോ വാക്സിൻ ലഭ്യമാണെന്ന് പൂനെ ആസ്ഥാനമായുള്ള സെറം ഇൻസ്റ്റിറ്റ്യൂട്ട് ഓഫ് ഇന്ത്യയുടെ ചീഫ് എക്സിക്യൂട്ടീവ് ഓഫീസർ അഡാർ പൂനവല്ല വ്യക്തമാക്കി. മുതിര്‍ന്നവര്‍ക്ക് കൊവോ വാക്സിൻ ലഭ്യമാണോയെന്ന സംശയം നിലനിന്നിരുന്നു. കുട്ടികൾക്കായി മറ്റൊരു വാക്സിൻ നൽകാനുള്ള പ്രധാനമന്ത്രി നരേന്ദ്ര മോദിയുടെ കാഴ്ചപ്പാടിനെ പൂനവല്ല അഭിനന്ദിച്ചു.
ഇന്ത്യയില്‍ വില്‍ക്കുന്ന ഒരെയൊരു വാക്സിനായ കൊവോ വാക്സിൻ ഇപ്പോള്‍ യൂറേപ്പിലേക്കും വില്‍ക്കുന്നു. ഇതിന് 90 ശതമാനം ഫലപ്രാപ്‌തിയുമുണ്ട്. പ്രതിരോധ കുത്തിവെയ്പ്പ് സംബന്ധിച്ച നാഷണൽ ടെക്നിക്കൽ അഡ്വൈസറി ഗ്രൂപ്പ് (എൻ‌ടി‌എ‌ജി‌ഐ) സെറം ഇൻസ്റ്റിറ്റ്യൂട്ട് ഓഫ് ഇന്ത്യയുടെ കോവോവാക്സിന് കഴിഞ്ഞ ആഴ്‌ച അംഗീകാരം നല്‍കി.