ന്യൂഡല്‍ഹി : രാജ്യത്തെ കൊവിഡ് സ്ഥിതിഗതികൾ അവലോകനം ചെയ്യാൻ യോഗം വിളിച്ച്‌ പ്രധാനമന്ത്രി നരേന്ദ്ര മോദി. ഞായറാഴ്‌ച വൈകുന്നേരം 4.30 ന് ഉന്നത ഉദ്യോഗസ്ഥരുമായുള്ള യോഗം ചേരുമെന്ന് സർക്കാർ വൃത്തങ്ങൾ അറിയിച്ചു. രാജ്യത്തുടനീളം കൊവിഡ് കേസുകൾ വൻതോതിൽ വർദ്ധിച്ചുകൊണ്ടിരിക്കുന്ന സാഹചര്യത്തിലാണ്‌ യോഗം.
24 മണിക്കൂറിനുള്ളിൽ ഇന്ത്യയിൽ 1,59,632 പുതിയ കൊവിഡ് കേസുകളും 40,863 രോഗമുക്തിയും 327 മരണങ്ങളും റിപ്പോർട്ട് ചെയ്‌തു. രാജ്യത്ത് സജീവമായ കേസുകളുടെ എണ്ണം 5,90,611 ആയി ഉയർന്നു. 3,44,53,603 പേർ ഇതുവരെ സുഖം പ്രാപിച്ചു.